धनगढी । विद्यालय स्तरीय टेबल टेनिस प्रतियोगिताको सिनियर छात्रतर्फ नाष्ट उच्च माविका दिवश बोहरा च्याम्पियन भएका छन् ।
धनगढीको कभर्ड हलमा बुधबार सम्पन्न प्रतियोगितामा सिद्धार्थ सिसु सदनका अभिषेक गौतम दोस्रो र कैलाली वहुमुखी क्याम्पसका विशाल शाही तथा स्टेपिङ स्टोन स्कुदका पंकज भट्ट तेस्रो भए ।
छात्रा सिनियरतर्फ ग्यालेक्सी स्कुलकी ललिटा शाही च्याम्पियन बनिन् । ऐश्वर्य विद्या निकेतनकी पुष्पा नेगी दोस्रो हुँदा फारवेष्ट स्कुलकी रक्षा बम र ऐश्वर्य विद्या निकेतनकी अनुषा धामी तेस्रो भईन् ।
छात्र जुनियरतर्फ सैनिक आवासिय महाविद्यालयका अंशु भट्ट च्याम्पियन बने । सैनिककै शेखर विष्ट दोस्रो तथा एरिष्टो स्कुलका निश्चल वोहोरा र ग्यालेक्सी स्कुलका अनुज खड्का तेस्रो भए । छात्रा जुनियरतर्फ एरिष्टो स्कुलकी लक्ष्मी बोहरा च्याम्पियन बनिन् । एरिष्टोकै मेनका ढाट दोस्रो हुँदा शारदा माविकी निषा ऐर र एरिष्टोकी दिना लामिछाने तेस्रो भईन् ।
कैलाली जिल्ला खेलकुद विकास समिति र कैलाली जिल्ला टेबल टेनिस संघको संयुक्त आयोजनामा भएको प्रतियोगिताको चार विद्यामा प्रथम हुनेलाई नगद १५ सय, दोस्रो हुनेले ७५० र तेस्रो हुनेले जनही २५० नगद पुरस्कार समेत प्राप्त गरे ।
प्रतियोगितामा ८ विद्यालयका ५० जनाभन्दा बढी खेलाडीहरुले सहभागिता जनाएका थिए । प्रतियोगितामा विभिन्न चार विधामा प्रतिस्पर्धा भएको थियो । कक्षा ८ मुनिका छात्र र छात्रा तथा कक्षा १२ सम्मका छात्र र छात्राहरुको प्रतिस्पर्धा भएको टेवल टेनिसका सहायक प्रशिक्षक तथा प्रतियोगिताका संयोजक निरज चन्दले जानकारी दिए ।
