काठमाडौं । त्रिभुवन आर्मी क्लबका होमलाल श्रेष्ठले प्रधानसेनापति खुला म्याराथनको उपाधि जितेका छन् ।
शनिबार आयोजना भएको म्याराथनमा निर्धारित दुरी २ घण्टा २२ मिनेटमा १७ सेकेण्डमा पुरा गर्दै होमले उपाधि जितेका हुन् । होमले साविक विजेता समेत रहेका आर्मीकै कृष्ण बस्नेतलाई पछि पारे ।
दोस्रो भएका कृष्णले २ घण्टा २३ मिनेट ४९ सेकेण्डको समय निकाले । यस्तै नवराज साउदले २ घण्टा २९ मिनेटमा ३६ सेकेण्डको समय सहित तेस्रो स्थान हासिल गरे ।
उपाधिसँगै होमले १ लाख २५ हजार नगद र मोटरसाइकल पुरस्कार प्राप्त गरे । दोस्रो भएका कृष्णले ६५ हजार र तेस्रो भएका नवराजले ३५ हजार प्राप्त गरे ।
![](https://scontent.fktm8-1.fna.fbcdn.net/v/t1.15752-9/86702402_176814190309427_3044382877941760000_n.jpg?_nc_cat=100&_nc_ohc=TwmPS7_wn3wAX9IHvQr&_nc_ht=scontent.fktm8-1.fna&oh=c69b1b9746e41aa5d4fd249d37f329f9&oe=5EBF31F4)
आर्मीका ज्ञान प्रसाद भट्टराई र वेद सुनवार चौथो र पाँचौ भए । चौथोले २५ हजार र पाँचौले १५ हजार प्राप्त गरे।
पुरुष हाफ म्याराथनको उपाधि तिर्थ पुनले जिते । भारतीय सेनाका तिर्थ पुनले १ घण्टा ५ मिनेट ५ सेकेण्डमा दुरी पुरा गरे । यस्तै आर्मीका खगेन्द्र भाटले १ घण्टा ५ मिनेट ५८ सेकेण्डमा दुरी पुरा गर्दै दोस्रो स्थान हासिल गर्दा आर्मीका दीपक अधिकारीले १ घण्टा ७ मिनेट २ सेकेण्डको समय निकाल्दै तेस्रो स्थान हासिल गरे ।
महिलातर्फको हाफ म्याराथनको उपाधि एपीएफकी पुष्पा भण्डारीले जितेकी छिन् । उनले निर्धारित दुरी १ घण्टा १७ मिनेट ०८ सेकेण्डमा पुरा गरिन् । पुलिसकी राजपुरा पछाईले १ घण्टा १८ मिनेट ३७ सेकेण्डको समय सहित दोस्रो स्थान हासिल गर्दा आर्मीकी विश्वरुपा बुढाले १ घण्टा २० मिनेट २२ सेकेण्डको समय निकाल्दै तेस्रो स्थान हासिल गरिन् ।
![](https://scontent.fktm8-1.fna.fbcdn.net/v/t1.15752-9/86285644_851748725266321_959595934168121344_n.jpg?_nc_cat=105&_nc_ohc=x1GzFiTawkkAX-9Unmi&_nc_ht=scontent.fktm8-1.fna&oh=3e7fde757e4086b6ab4d71f3b11df08f&oe=5ECCBA57)
हाफ म्याराथनतर्फ महिला र पुरुष दुवैतर्फका विजेता, उपविजेता र तेस्रोले क्रमशः ५० हजार, ३५ हजार र २५ हजार प्राप्त गरे ।
हाफ म्याराथनको ४५ वर्षमाथि धर्म महर्जनले उपाधि जित्दा भिम बहादुर गुरुङ दोस्रो र भिमसेन अवाले तेस्रो भए । ४५ वर्षमाथिका विजेता, उपविजेता र तेस्रोले क्रमश: ४० हजार, २५ हजार र १५ हजार प्राप्त गरे ।
१० किमीको गैर सैनिकतर्फ सन्तोषनाथ योगी पहिलो, विष्णु कुमार तामाङ दोस्रो र सागर श्रेष्ठ तेस्रो भए । यस स्पर्धामा पहिलो, दोस्रो र तेस्रो हुने खेलाडीले क्रमश: १० हजार, ७ हजार र पाँच हजार पाए ।
१० किमीकै सैनिक सहचारी पुरुषमा भुपेन्द्र सिंह रावत, दिशेन घले र दुरा इमुरुगन क्रमश: पहिलो, दोस्रो र तेस्रो भए । पहिलो, दोस्रो र तेस्रो हुने खेलाडीले क्रमश: १० हजार, ७ हजार र पाँच हजार पाए ।
![](https://scontent.fktm8-1.fna.fbcdn.net/v/t1.15752-9/86191670_585602918658709_909887417203294208_n.jpg?_nc_cat=101&_nc_ohc=DUfAvAlbcEgAX964CIl&_nc_ht=scontent.fktm8-1.fna&oh=c332c3d39d7b389741776957143849a6&oe=5EC6BEDC)
१० किमी अधिकृत पुरुषतर्फ नवराज थापा पहिलो हुँदा अजयजंग सुवेदी दोस्रो र चन्द्र बहादुर थापा तेस्रो भए । महिलातर्फ देवी पुन, रस्मिला अर्याल र सिता कुवँर क्रमशः पहिलो, दोस्रो र तेस्रो भए । यस स्पर्धामा दुवैतर्फको पहिलो, दोस्रो र तेस्रो हुने खेलाडीले क्रमश: १० हजार, ७ हजार र पाँच हजार पाए ।
![](https://scontent.fktm8-1.fna.fbcdn.net/v/t1.15752-9/86870660_237162427315397_2900997855781060608_n.jpg?_nc_cat=104&_nc_ohc=h0JrYJW8EhwAX94LKCf&_nc_ht=scontent.fktm8-1.fna&oh=2a178027fed015a540f66a52f10a314a&oe=5EB9ED0A)
५ किमी छात्रतर्फ इश्वर चन्द्र बस्नेत पहिलो, प्रविणराज अधिकारी दोस्रो र सविन राई तेस्रो भए । छात्रामा स्वेच्छा बलामी मगर पहिलो, सुनिता श्रेष्ठ दोस्रो र रचना राना मगर तेस्रो भए । छात्र छात्रा दौडमा पहिलो हुनेले १० हजार, दोस्रोले ७ हजार र तेस्रो हुने खेलाडीले ५ हजार प्राप्त गरे ।
![](https://scontent.fktm8-1.fna.fbcdn.net/v/t1.15752-9/86289330_660730294698696_4560094845498032128_n.jpg?_nc_cat=103&_nc_ohc=gtkGFvGO2LsAX_7cT_Y&_nc_ht=scontent.fktm8-1.fna&oh=50d1ba694532589a5873c3c55a60ce50&oe=5EBBE4D1)