आयोजक न्यु डायमण्ड समूह विजेता
काठमाडौं । आयोजक न्यु डायमण्ड स्पोर्ट्स क्लब समूह विजेता बन्दै न्यु डायमण्ड कप खुला राष्ट्रिय महिला भलिबल प्रतियोगिताको सेमिफाइनलमा प्रवेश गरेको छ ।
नयाँ बसपार्कस्थित ढोरपाटन क्लबको खेल मैदानमा शुक्रबार भएको समूह चरणको अन्तिम खेलमा नेपाल पुलिस क्लबलाई ३-२ को सेटमा पराजित गर्दै न्यु डायमण्ड समूह 'बी' को विजेता बनेको हो ।
समूह विजेता बन्ने क्रममा न्यु डायमण्डले पुलिसमाथि २५-१९,२५-२३,१७-२५,१६-२५ र १५-६ को जित निकाल्यो ।
समूह चरणको अन्तिम खेलमा पराजित पुलिस समूह उपविजेता बन्दै सेमिफाइनलमा पुगेको छ ।
प्रतियोगिताको विजेताले ४ लाख १ सय १ रुपैया पाउने छन् ।
यस्तै उपविजेताले ३ लाख १ सय १, तेस्रोले १ लाख ५१ हजार १ सय १ र चौंथोले ५१ हजार १ सय १ रुपैया पाउने छन् ।
प्रतियोगिताको सर्वोकृष्ट खेलाडीले २१ हजार १ सय पाउने छन् । व्यक्तिगत विधातर्फ स्पाइकर,ब्लकर,क्विकर,सेटर,सर्भर,डिफेन्डर र प्रशिक्षकलाई ७ हजार १ सय १ प्रदान गरिनेछ ।
