काठमाडौं । नेपाली पुरुष भलिबल टिमका स्पाइकर मानबहादुर श्रेष्ठ सम्मिलित गुडिस स्पोर्ट्स क्लबले माल्दिभ्सको पुरुष भलिबल लिगमा जित निकालेको छ ।
मालेमा सोमबार भएको दोस्रो चरणको खेलमा गुडिसले सिटी स्पोर्ट्स क्लबलाई ३-० को सोझो सेटमा पराजित गरेको हो ।
गुडिसले सिटीमाथि २५-१३, २५-१२ र २५-१५ को सेटमा हराएको हो । सिटी स्पोर्ट्स मानबहादुरको पूर्व क्लब समेत हो । सिटीबाट नेपालका अर्का खेलाडी विकास गुरुङले खेलिरहेका छन् ।
सिटीविरुद्धको खेलमा मानबहादुरले उत्कृष्ट प्रदर्शन गरेका थिए ।
जितपछि मानबहादुरले आफ्नो जित जन्मदिन परेका दुई वर्षीय छोरिलाई समर्पण गरे ।
मानबहादुरले आज छोरिको जन्म दिन परेको तर आफु नेपाल बाहिर रहेको कारण उनको जन्मदिनमा उपस्थित हुन नसकेको कारण जित छोरिको लागि समर्पण गर्ने बताए ।
