होप एन्ड क्याडेट टेबलटेनिस हुने

काठमाडौं । दक्षिण एसियाली होप एन्ड क्याडेट टेबलटेनिस च्याम्पियनसिप हुने भएको छ ।

अखिल नेपाल टेबलटेनिस संघको आयोजनामा च्याम्पियनसिप डिसेम्बर १८ मा हुने भएको छ ।

प्रतियोगितामा नेपालसहित श्रीलंका, भारत, पाकिस्तान र माल्दिभ्सका ४९ खेलाडीको सहभागिता रहने आयोजक संघका प्रथम उपाध्यक्ष धर्ममान वज्राचार्यले जानकारी दिए ।

होपतर्फ यु–१२ तथा क्याडेटतर्फ यु–१४ उमेर समूहमा ब्वाइज/ गल्र्समा सिंगल्स र डबल्समा प्रतिस्पर्धा हुनेछ ।

एकदिने प्रतियोगिताका खेलहरु लैनचौरस्थित राष्ट्रिय टेबलटेनिस प्रशिक्षण केन्द्रमा हुने छ । प्रतियोगिताअघि पाँचदिने प्रशिक्षण भने शुक्रबारदेखि नै सुरु भएको छ । प्रशिक्षणमा प्रतियोगितामा सहभागी खेलाडीहरु नै सहभागी छन् ।