बूढानीलकण्ठको विजयी सुरुवात

काठमाडौं ।  बूढानीलकण्ठले पाँचौं बीएमके खुला पुरुष बास्केटबल प्रतियोगितामा आइतबार जित हात पारेको छ ।

विशाल मिलन केन्द्र (बीएमके) को आयोजनामा भइरहेको प्रतियोगितामा बूढानीलकण्ठले आयोजक बीएमकेलाई ७१–५३ ले पराजित गर्यो। बूढानीलकण्ठका सौगातदीप सिंहले १८ अंक जोडे ।

अन्य खेलमा गोल्डेनगेट र एनसीएचएस विजयी भए । गोल्डेनगेटले आइस वाकरलाई ४९–४३ ले हराउदै लगातार दोश्रो जित हात पार्यो ।

गोल्डेनगेटका अभिषेक सिंहले १५ स्कोर गरे । एनसीएचएसले अन्नपूर्णमाथि ६२–३० को सहज जित दर्ता गर्यो । एनसीएचएसका सन्दिपले १३ अंक जोडे । गोर्खा ब्वाइजले हुपर्सबाट वाक ओभर पायो ।