काठमाडौं । छैटौं संस्करणको सेन्ट जेभियर्स कप इन्टर कलेज बास्केटबल प्रतियोगिता असोज पहिलो साताबाट हुने भएको छ ।
सेन्ट जेभियर्स कलेजको आयोजना हुने प्रतियोगिता असोज १ गतेबाट हुनेछ ।
प्रतियोगितामा स्नातक तहमा अध्ययनरत राजधानीका २१ कलेजहरुको सहभागिता रहनेछ ।
पुरुषतर्फको खेल लिग कम नकआउट आधारमा हुनेछ भने महिलामा सिँगल राउण्ड रोबिन लिगपछि सिधै फाइनल खेलाइनेछ । प्रतियोगिताको सबै खेल कलेजको माइतिघरस्थित बास्केटबल कोर्टमा हुनेछ ।
पुरुषतर्फको विजेताले ३० हजार र उपविजेताले १५ हजार प्राप्त गर्नेछन् । महिलातर्फ विजेताले २० हजार र उपविजेताले १५ हजार पाउने छन् ।
