काठमाडौं । आयोजक न्यु समिट कलेजले दोश्रो टीयू बीएससी सीएसआईटी अन्तरकलेज बास्केटबल प्रतियोगितामा दोहोरो उपाधि जितेको छ ।
न्यु समिटले पुरुष र महिला दुवैतर्फको उपाधि जितेको हो । शनिबार भएको पुरुषतर्फको फाइनलमा बनहार्टलाई ४३–३७ को स्कोरमा हराउँदै न्यु समिट च्याम्पियन बनेको हो । न्यु समिटका लागि पुरुषको जितमा समिर तामाङले सर्वाधिक २२ स्कोर गरे । समिर नै प्रतियोगिताको उत्कृष्ट खेलाडी चुनिए ।
महिलातर्फको उपाधि जित्ने क्रममा न्यु समिटले एशियन स्कुल अफ मेनेजमेन्ट एण्ड टेक्नोलोजी (एएसएमटी) कलेजलाई ९–८ स्कोरले हरायो। न्यु समिटकी सारिसा घिमिरेको सर्वाधिक ५ स्कोरको योजदान रह्यो । सारिसा नै प्रतियाोगिताको उत्कृष्ट खेलाडी चुनिईन् ।
प्रतियोगिता अवधिभर ८२ स्कोर गदै न्यु समिटका सुसान्त घिमिरेले हाईस्कोररको उपाधि पाए । महिलातर्फ एएसएमटी कलेजकी मुना तामाङले १८ स्कोर गदै हाईस्कोररको उपाधि जितिन् ।
प्रतियोगिताको पुरुषतर्फको विजेताले नगद ५० हजार र उपविजेताले २५ हजार प्राप्त गर्दा महिलातर्फको विजेताले १५ हजार र उपविजेताले १० हजार नगद प्राप्त गरे ।
