न्यु समिट फाइनलमा

काठमाडौं । आयोजक न्यु समिट र बर्नहार्ट कलेज दोश्रो टीयू बीएससी सीएसआईटी अन्तरकलेज बास्केटबल प्रतियोगिताको पुरुषतर्फ फाइनलमा प्रवेश गरेका छन् ।

शुक्रबार भएको सेमिफाइनलमा आयोजक न्यु समिटले टेक्सस कलेजलाई ३७–२९ को स्कोरमा हरायो । न्यु समिटको लागि उत्कृष्ट प्रदर्शन गरेका सुशान्त घिमिरेले सर्वाधिक २० अंक जोडे ।

अर्को सेमिफाइनल खेलमा बर्नहार्टले सगरमाथा कलेजलाई ४३–३४ को स्कोरले हराउदै न्यु समिटसँग उपाधि भिड्न्त पक्का गरेको छ । बर्नहार्ट कलेजको जितमा अभिनाश गैरेले १५ अंक जोडे ।

महिलातर्फ एएसएमटीले हिमालय कलेजलाई हराउदै फाइनलमा आयोजक न्यु समिटसँगको भेट पक्का गरेका छन् ।

सेमिफाईनल खेलमा एएसएमटीले हिमालय कलेजमाथी १५–५ को स्कोरमा हराउदा मुना तामाङले ७ स्कोर गरेकी थिईन् ।