काठमाडौं । हरेराम जोशी स्मृति प्रतिष्ठानको आयोजनामा १४ औं हरेराम जोशी स्मृति उपत्यकाव्यापी टेबलटेनिस प्रतियोगिता भदौ ५ र ७ गते हुने भएको छ ।
प्रतियोगितामा पुरुष÷महिला खुलाका साथै विद्यालयस्तर र भेट्रानतर्फ गरी १२ स्पर्धामा प्रतिस्पर्धा हुने प्रतियोगिता संयोजक राजेन्द्र कपालीले जनाएका छन् ।
प्रतियोगितामा करिब ३ सय ५० खेलाडीको सहभागिता रहने बताइएको छ ।
लैनचौरस्थित राष्ट्रिय टेबलटेनिस प्रशिक्षण केन्द्रमा हुने प्रतियोगितालाई पिज्जा कटर र भ्याली स्पोर्ट्स हाउसले समान ५०–५० हजार प्रायोजन गरेको संयोजक कपालीले जानकारी दिए ।
