काठमाडौं । भारतको गुजरातमा आयोजना हुने छैटौं एसियाली विद्यालय टेबलटेनिस च्याम्पियनसिपमा नेपालबाट ९ खेलाडीले प्रतिस्पर्धा गर्ने भएका छन् ।
अगष्ट १३ देखि २१ तारिखसम्म हुने प्रतियोगितामा ६ छात्र तथा ३ छात्रा गरी ९ खेलाडीले प्रतिस्पर्धा गर्ने छन् । छात्रमा संयोग कपाली, विशाल गोले, रुविन महर्जन, सुजन गदाल, एलेन महर्जन र आयुश भारती रहेका छन् । छात्रामा इभाना थापा मगर, वियंका राई र समिरा श्रेष्ठ रहेका छन् ।
टोली प्रमुखमा विशाल खड्का तथा प्रशिक्षकमा पुरुषोत्तम वज्राचार्य, सिक्का सुवाल श्रेष्ठ र एलेक्स महर्जन रहेका छन् । नेपाल विद्यालय खेलकुद महासंघको पहलमा टोली सहभागी हुन लागेको हो ।
नेपाली टिम शनिबार भारत प्रस्थान गरेका छन् । नेपाली टोलीलाई महासंघका अध्यक्ष विनोद श्रेष्ठ, राष्ट्रिय खेलकुद परिषद्का सदस्य सुदिल शाही र महासंघका महासचिव राजकुमार कार्कीलगायतले एक कार्यक्रमबीच शनिबारै बिदाइ गरे ।
