काठमाडौं। रेगन श्रेष्ठले प्रथम सार्क स्नुकर च्याम्पियनसिपका लागि आयोजित खेलाडी छनोट प्रतियोगिताको लिग खेलमा बुधबार दोहोरो जित हात पारेका छन् ।
रेगनले विकेश राई तथा सुजेन शाहीलाई समान ४–० को नतिजामा पराजित गरे । राजन लामाले सुजेन शाहीलाई ४–०, अमन कार्कीले फुरी शेर्पालाई ४–१ र दीपक मगरले फुरी शेर्पालाई ४–० ले हराए । दीपकले सोम लामासंग भने ३–३ को बराबरी खेले ।
जितलाई ३ तथा बराबरीलाई १ अंक दिने प्रावधान रहेको छनोट आयोजक नेपाल बिलियर्ड, पुल तथा स्नुकर संघका अध्यक्ष सरोजकुमार मुल्मीले जनाएका छन् ।
