बुमराहले गरे कपिल देवसँगको कीर्तिमानी बराबरी

काठमाडौं। भारतीय टोलिका तीव्र गतिका बलर जसप्रीत बुमराहले इङ्ल्यान्डविरुद्ध लिड्समा जारी पहिलो टेस्टको तेस्रो दिन पाँच विकेट हउल लिएका छन्।

योसँगै उनले विदेशी मैदानमा सबैभन्दा बढी पाँच विकेट लिने भारतीय बलरको सूचीमा पूर्वमहान खेलाडी कपिल देवको कीर्तिमानी बराबरी गरेका छन्।

हेडिङ्लीमा जारी खेलको पहिलो इनिङ्समा बुमराहले ५ विकेट लिएर ८३ रन खर्चिए। यससँगै विदेशको भूमिमा टेस्ट क्रिकेटमा पाँच विकेट हउल लिने भारतीय बलरको सूचिमा बुमराह र कपिल दुवैको संख्या अब १२ पुगेको छ।

बुमराहको शानदार प्रदर्शनले भारतले इङ्ल्यान्डलाई पहिलो इनिङ्समा ४६५ रनमै सीमित राख्न सफल भयो। जवाफी ब्याटिङमा भारतले आइतबारको खेल सकिँदासम्म २ विकेट गुमाएर ९० रन बनाएको थियो। भारतको कुल अग्रता ९६ रन पुगेको छ र खेल अझै दुई दिन बाँकी छ।

‘खेल अहिले बराबरीमा छ,’ बुमराहले खेलपछि भने,‘हामीले राम्रो ब्याटिङ गर्नुपर्छ। पिच अलिकति गतिमा चलिरहेको छ, त्यसैले बाँकी खेल रोचक हुनेछ।’

भारतले बुमराहसँगै दोस्रो इनिङ्समा पनि त्यस्तै प्रदर्शनको अपेक्षा गरिरहेको छ। यद्यपि, पछिल्लो ढाडको समस्यालाई मध्यनजर राख्दै उनले पाँच टेस्टमध्ये तीन मात्र खेल्ने सम्भावना छ।

तर, बुमराहले अहिले भविष्यको बारेमा होइन, केवल हेडिङ्ली टेस्टमै ध्यान केन्द्रित गरिरहेका छन्।  भारतले यो पाँच टेस्टको शृंखला आइसिसी विश्व टेस्ट च्याम्पियनसिपअन्तर्गत खेलिरहेको हो। हेडिङ्लीमा जारी यो खेलको बाँकी दुई दिन निकै निर्णायक हुने संकेत देखिन्छ।