काठमाडौं। ब्राजिली फुटबलका महान् खेलाडी रोबर्टो कार्लोस बैशाख ५ गते नेपाल आउने भएका छन्।
नेपाल सुपर लिग (एनएसएल) आयोजक नेपाल स्पोर्ट्स एन्ड इभेन्ट्स म्यानेजमेन्ट प्रालि (एनएसइएम) ले बिहीबार लेफ्ट–ब्याक कार्लोस आउने पक्का भएको जानकारी दिएको हो।
एनएसइएमका प्रबन्ध निर्देशक श्रेयंश कार्कीकाअनुसार कार्लोस दुईदिने विशेष भ्रमणमा काठमाडौं आउने भएका हुन्। उनका अनुसार कार्लोस बैशाख ६ गते त्रिपुरेश्वरस्थित दशरथ रंगशालामा आयोजना हुने पहिलो क्वालिफायर खेलको प्रमुख अतिथि रहनेछन्।
