काठमाडौं। पेरिस सेन्ट–जर्मेन (पिएसजी) ले शनिबार एन्जर्सलाई १–० ले पराजित गर्दै कीर्तिमानी १३औं पटक लिग वानको उपाधि जितेको छ।
अझै ६ खेल खेल्न बाँकी रहेको पिएसजीले अपराजित रहँदै यस सिजनको उपाधि पक्का गरेको हो। पार्स दे प्रिन्स स्टेडियममा आयोजित रमाइलो माहोलबीच फरवार्ड डेजिरे डुएले पहिलो हाफमै गरेको एक मात्र गोल नै निर्णायक बन्यो।
पिएसजीले २८ खेलमा २३ जित निकाल्दै उपाधि हात पारेको हो। यो उपाधि सन् २०११ मा कतारी समूह क्युएसआईले क्लबको स्वामित्व लिएकोपछि पिएसजीको ११औं फ्रेन्च लिग उपाधि हो। बाँकी दुई उपाधि क्लबले सन् १९८६ र १९९४ मा जितेको थियो।
स्पेनिस प्रशिक्षक लुइस एनरिकको नेतृत्वमा रहेको पिएसजीले आगामी मे २४ मा हुने फ्रेन्च कपको फाइनलमा रिम्सलाई पराजित गर्न सके दोस्रोपटक लगातार घरेलु डबल (लिग र कप) जित्ने लक्ष्य पूरा गर्नेछ।
त्यसैदिन दोस्रो स्थानमा रहेको मोनाकोले ब्रेष्टको मैदानमा प्रतिस्पर्धा गर्नेछ भने लियोनले लिललाई आतिथ्य गर्दैछ। यी दुवै टोली अर्को सिजनको च्याम्पियन्स लिग छनोटका लागि संघर्षरत छन्।
