काठमाडौं। किलियन एमबाप्पेसहित तीन रियल मड्रिडका खेलाडीलाई युरोपेली फुटबल महासंघ (युइएफए) ले शिष्टाचारविपरीतको व्यवहार गरेको भन्दै जरिवाना गरेको छ।
च्याम्पियन्स लिगको प्रि–क्वार्टरफाइनलअन्तर्गत दोस्रो लेगमा एट्लेटिको मड्रिडविरुद्धको जितपछि उनीहरूले दर्शाएका व्यवहारका कारण युइएफएले कारबाही गरेको हो।
फ्रान्सेली फरवार्ड एमबाप्पेलाई ३० हजार युरो, जर्मन डिफेन्डर एन्टोनियो रुडिगरलाई ४० हजार युरो र मिडफिल्डर डानी सेबालोसलाई २० हजार युरो जरिवाना गरिएको छ।
रुडिगर र एमबाप्पेलाई एक खेलको प्रतिबन्धसमेत लगाइएको छ। तर, यो प्रतिबन्ध च्याम्पियन्स लिग क्वार्टरफाइनलको पहिलो लेगमा लागू हुनेछैन।
युइएफएले विस्तृत आरोप खुलाएको छैन। तर, यी खेलाडीले अनुशासन संहिता अन्तर्गतको अनुच्छेद ११ उल्लंघन गरिएको उल्लेख गरेको छ, जसमा शिष्ट र सभ्य व्यवहार अपेक्षित हुन्छ।
१२ मार्चमा मेट्रोपोलिटानो रंगशालामा भएको खेलमा रियलले पेनाल्टी सुटआउटमा एट्लेटिकोलाई हराएको थियो। खेलपछि रियलका खेलाडीले समर्थकहरूमाथि उत्तेजक प्रतिक्रिया जनाएका थिए।
-1743823075.png)
