पहिलो हाफमा काठमाडौंमाथि ललितपुर हाबी

काठमाडौं। साबिक विजेता ललितपुर सिटी एफसी नेपाल सुपर लिग (एनएसएल)को उद्घाटन खेलमा काठमाडौं रेजर्समाथि हाबी भएको छ।

त्रिपुरेश्वरस्थित दशरथ रंगशालामा जारी खेलमा पहिलो संस्करणको विजेता काठमाडौंविरुद्ध ललितपुरले पहिलो हाफमै २–० को अग्रता लिएको हो।

ललितपुरका जनाथन इडुआर्डो र आदित्य शाक्यले गोल गरेका हुन्। ललितपुरलाई खेलको पाँच मिनेटमै विदेशी खेलाडी जनाथनले सुरुआती अग्रता दिलाएका हुन्।

उनले काठमाडौंका डिफेन्डर अञ्जल महर्जनलाई बिट गर्दै कर्नर एरियातर्फबाट गरेको प्रहार माथिल्लो बारतर्फबाट प्रहार गरेका थिए। उक्त बललाई ललितपुरका गोलकिपर अभिषेक बरालले ठम्म्याउन सकेनन्।

यद्यपि, बल जालीतर्फ जाँदा कमल श्रेष्ठले बचाउने प्रयास गरे पनि सफल हुन सकेनन्। उक्त बललाई ललितपुरका गोलकिपर अभिषेक बरालले ठम्म्याउन सकेनन्।

१४औं मिनेटमा ललितपुर दोस्रो गोल थप्यो। पापा इबु केबेसँग तालमेल मिलाउँदै इमो इजिकेलले बललाई सिक्स यार्डमा लगेका थिए। उक्त बललाई अभिषेकले बचाएका थिए। तर, रिबाउन्डमा आएको बललाई उनले आदित्यतर्फ फ्याँकेका थिए। जसलाई उनले फिनिसिङ गरेका हुन्।