टुचेललाई ठूलो जितको अपेक्षा

काठमाडौं। थोमस टुचेलले इङ्ल्यान्डको प्रशिक्षकको रूपमा आफ्नो यात्रा विजयी सुरुआत गर्दै शुक्रबार वेम्बली स्टेडियममा अल्बेनियालाई २–० ले हराए। तर, उनले खेलपछि आफ्नो टोलीबाट अझ राम्रो प्रदर्शनको अपेक्षा गरेका छन्।

‘हामी अझ राम्रो गर्न सक्छौं, गर्नुपर्छ,’ टुचेलले खेलपछि भने। उनले दोस्रो हाफमा टोलीले ढिलो खेलेको र आक्रमणमा पर्याप्त आक्रामकता नभएको उल्लेख गरे।

इङ्ल्यान्डको लगातार ११औं प्रशिक्षकको रूपमा आफ्नो पहिलो खेल जित्ने प्रशिक्षक टुचेल बने। तर, प्रदर्शनप्रति उनको इमानदार समीक्षा यो प्रमाण भनेको उनी टोलीका लागि उच्चस्तर निर्धारण गर्न चाहन्छन्।

टुचेलको पहिलो मुख्य लक्ष्य २०२६ को विश्वकप (संयुक्त राज्य, क्यानडा र मेक्सिको) को छनोटमा इङ्ल्यान्डको स्थान सुनिश्चित गर्नु हो। यो खेल इङ्ल्यान्डका लागि सहज जित साबित भयो।

विश्व वरीयतामा चौथो स्थानमा रहेको इङ्ल्यान्डले ६५औं स्थानको अल्बेनियाविरुद्ध खेलभरि पकड जमायो।

टुचेल युगको पहिलो गोल खेलको २०औं मिनेटमा आयो, जुन डेब्यु खेलाडी माइल्स लुइस–स्केलीले गरेका हुन्। उनी १८ वर्ष १७६ दिनको उमेरमा इङ्ल्यान्डका लागि डेब्यु खेलमै गोल गर्ने सबैभन्दा कान्छा खेलाडी बने। योसँगै उनले मार्कस रासफोर्डको कीर्तिमान तोडेका छन्।

७७औं मिनेटमा कप्तान ह्यारी केनले अर्को गोल गर्दै २–० को जित पक्का गरे। इङ्ल्यान्डको जर्सीमा उनको यो ७०औं गोल हो।

टुचेल इङ्ल्यान्डका प्रशिक्षक बन्ने तेस्रो विदेशी व्यक्ति हुन्। यसअघि स्विडेनका स्वर्गीय स्वेन–गोरान एरिक्सन र इटालीका फाबियो कापेलोले इङ्ल्यान्डको टोली सम्हालेका थिए।

उनी गत अक्टोबरमा प्रशिक्षक नियुक्त हुँदा केही इङ्लिस मिडियाले आलोचना गरेका थिए। सम्भवतः इङ्ल्यान्ड र जर्मनीबीचको परम्परागत फुटबल प्रतिस्पर्धाका कारण।

खेलअघि टुचेलले राष्ट्रगान ‘गड सेभ द किंग’मा सहभागी नहुने बताएका थिए। उनले भनेका थिए, ‘म यो गाउन लायक बन्नुपर्छ।’ राष्ट्रगानको समयमा उनी मौन बसे।

तर, समर्थकहरूले उनलाई राम्रो स्वागत गरे। स्टेडियममा ‘फुटबलको घरमा स्वागत छ थोमस’ लेखिएको ब्यानर पनि देखिएको थियो।

टुचेललाई मुख्य रूपमा नतिजाले जाँचिनेछ, विशेष गरी उनले इङ्ल्यान्डलाई १९६६ को विश्वकपपछि पहिलो ठूलो ट्रफी दिलाउन सक्ने वा नसक्ने भन्ने विषयमा। उनले खेलाडीहरूलाई भनेका छन्,‘मेरो काम राष्ट्रिय झन्डाको माथि दोस्रो स्टार थप्नु हो।’ जसले विश्वकप जितको संख्यालाई दर्शाउँछ।

टुचेलले ग्यारेथ साउथगेटको ठाउँ लिएका छन्। ग्यारेथले इङ्ल्यान्डलाई पछिल्ला दुई युरोपियन च्याम्पियनसिपको फाइनल र २०१८ को विश्वकपको सेमिफाइनलसम्म पुर्‍याएका थिए।

तर, टुचेल एक अनुभवी र ट्रफी जित्न सफल प्रशिक्षक हुन्। उनले पेरिस सेन्ट–जर्मेन (पिएसजी), चेल्सी र बायर्न म्युनिखसँग लिग उपाधि जितेका छन्। साथै चेल्सीलाई च्याम्पियन्स लिग जिताएका छन्।