विराटनगर। विराट गोल्डकपको उपाधिका लागि सहिद स्मारक ए डिभिजन लिग च्याम्पियन चर्च ब्वाइज युनाइटेड र थ्री स्टार क्लब भिड्ने भएका छन्।
विराटनगर सहिद मैदानमा सोमबार सम्पन्न दोस्रो सेमिफाइनलमा विभागीय टिम नेपाल पुलिस क्बललाई १–० गोलले हराउँदै चर्च ब्वाइजले थ्री स्टारसँगको भेट पक्का गरेको हो।
थ्री स्टारले आइतबार पहिलो सेमिफाइनलमा विभागीय टिम त्रिभुवन आर्मी क्लबलाई ३–२ गोलले निराश बनाउँदै उपाधिनजिक पुगेको थियो।
चर्च ब्वाइजको जितमा लाक्पा पाख्रिनले गरेको गोल नै निर्णायक बन्यो। विदेशी खेलाडी एबायोमीले निकालको लामो पासलाई लाक्पाले ७०औं मिनेटमा गोलमा परिणत गरेका थिए।
चर्च ब्वाइजले यो २४औं आहा रारा पोखरा गोल्डकपमा हारको बदला पनि विराट गोल्डकपमा आएर लिएको छ। माघ ३० गते पोखरामा भएको आहा रारा पोखरा गोल्डकप फुटबल प्रतियोगिताको सेमिफाइलनमा पुलिसले चर्च ब्वाइजलाई १–० गोलले पराजित गरेको थियो।
प्यलेर अफ द म्याच चर्च ब्वाइजका गौरव श्रेष्ठ घोषित भए र ११ हजार रुपैयाँ प्राप्त गरे।
-1741620036.JPG)
