काठमाडौं । पारा राष्ट्रिय खेलकुद च्याम्पियनसिपअन्तर्गत पारा फुटसल प्रतियोगितामा मकवानपुर र काठमाडौंले आइतबार उपाधि जितेका छन् ।
राष्ट्रिय खेलकुद परिषद्को आयोजनामा बालुवाटार फुटसलमा भएको प्रतियोगितामा मकवानपुर पुरुष तथा काठमाडौं महिलामा पहिलो भए ।
पुरुष फाइनलमा मकवानपुरले काठमाडौंलाई २–० गोलले पराजित गर्यो । महिलाको उपाधि भिडन्तमा काठमाडौंले कास्कीलाई ३–० गोलले हरायो ।
विजेतालाई राष्ट्रिय खेलकुद परिषद्का सदस्य उपेन्द्र पौडेलले एक कार्यक्रमबीच पुरस्कार वितरण गरे ।
