पहिलो हाफमा पोखरा थन्डर्सको अग्रता

काठमाडौं । नेपाल सुपर लिग एनएसएलको पहिलो क्वालिफायरमा पोखरा थन्डर्स र धनगढी एफसी मैदानमा छन् । 

सोमबार दशरथ रंगशालामा पहिलो हाफको खेल सकिदाँ धनगढीविरुद्ध पोखराले अग्रता लिएको छ । 

पोखराका लागि आयुश घलानले पहिलो हाफमा गोल गर्दै अग्रता दिलाएका छन् । 

खेलको पाँचौ मिनेटमा मोसेसको क्रसलाई सदुपयोग गर्दै आयुशले पोखरालाई अग्रता दिलाएका हुन् ।

आयुशको गोल पश्चात पोखराले एकपछि अर्को आक्रमण धनगढीविरुद्ध गरेको थियो । तर धनगढीका गोलकिपर मोहमद टाहाको उत्कृष्ट प्रर्दशनमा पोखराले थप अग्रता बनाउन पाएको छैन । 

यस खेलको विजेता टोलीले प्रतियोगिताको फाइनलमा स्थान बनाउनेछ ।

पराजित बन्ने टिमले इलिमिनेटर राउण्ड जितेर आउने टिमसँग दोस्रो कक्वालिफायरका लागि खेल्नेछ ।