आर्मी जावलाखेलसंग बराबरीमा रोकियो

काठमाडौं । पल्सर सहिद स्मारक 'ए' डिभिजन लिग फुटबलमा विभागीय टिम त्रिभुवन आर्मी क्लब बराबरीमा रोकिएको छ  । सोमबार भएको खेलमा आर्मी जावलाखेल युथ क्लबसंग गोलरहित बराबरीमा रोकिएको हो ।

हल्चोकस्थित एपीएफ मैदानमा पाएको मौका सदुपयोग गर्न नसक्दा आर्मीले जावलाखेलसंग अंक बाडेको हो ।  जावलाखेलविरुद्ध बल पोजिसनमा पकड जमाएपनि आर्मीले गोल गर्न भने सकेनन् ।

बराबरीसंगै आर्मीले १२ खेलबाट २२ अंक जोडेको छ । र, आर्मीले लिगको तेस्रो स्थानमा उक्लने मौका गुमाएको छ ।

आर्मी अंक तालिकाको चौथो स्थानमा छ ।  जावलाखेल १२ अंक जोडेर तालिकाको नवौं स्थानमा छ ।