काठमाडौं । आमन्त्रित टोली लेबनानले भारतमा जारी साफ च्याम्पियनसिप फुटबलमा विजयी सुरुआत गरेको छ ।
बैंगलोरस्थित श्री कांतिराव स्टेडियममा बिहीबार बंगलादेशलाई २-० गोल अन्तरले हराउँदै लेबनानले विजयी सुरुआत गरेको हो ।
लेबनानको जितमा कप्तान हसन मातुक र खालिल बढेरले एक एक गोल गरे ।
खेलको ८० औं मिनेटमा हसनले गोल गर्दै लेबनानलाई सुरुआती अग्रता दिलाएका थिए ।
त्यसपछि खेलको इन्जुरी समयमा खालिलले गोल गर्दै लेबनानलाई २-० को जित दिलाए ।
जितसँगै लेबनानले पहिलो खेलमै ३ अंक जोडेको छ ।
समूह 'बी' मा रहेको लेबनान शीर्ष स्थानमा रहेको छ ।
यस संस्करणको साफमा ८ राष्ट्रको सहभागिता रहेको छ।
यस संस्करणको च्याम्पियनसिपमा नेपालसहित आयोजक भारत, बंगलादेश, कुवेत, लेबनान, भुटान, पाकिस्तान, माल्दिभ्सले सहभागिता जनाउने छन् ।
यस संस्करणमा कुवेत र लेबनानले आमन्त्रित टोलीको रुपमा रहेका छन् ।
