पहिलो हाफमा पुलिसविरुद्ध संकटा २ - १ ले अघि

काठमाडौं । पल्सर सहिद स्मारक 'ए' डिभिजन लिग फुटबलमा अहिले विभागीय टिम नेपाल पुलिस क्लब र सिएमजी संकटा क्लबबीच प्रतिस्पर्धा भईरहेको छ ।

एन्फा कम्प्लेक्स सातदोबाटोमा जारी खेलको पहिलो हाफ सकिदा पुलिसविरुद्ध संकटा क्लब २ - १ गोल अन्तरले अघि रहेको छ ।

खेलको २९ औं मिनेटमा लक्ष्मण रुचालको कर्नरमा सरोज दाहालले हेड गोल गर्दै संकटालाई सुरुवाती अग्रता दिलाए । खेलको ३७ औं मिनेटमा दिपेश आले मगरले गोल गरेपछि संकटा २ - ० ले अघि रह्यो ।

तर, खेलको ३९ औं मिनेटमा रवी पासवानले गोल गर्दै पुलिसलाई २ - १ को स्थितिमा ल्याए । उनले अभिषेक रिजालको पास सदुपयोग गरे ।

आज दुवै टोली जित निकाल्ने लक्ष्यसहित मैदान उत्रिएका छन् । दुवै टोली जित निकाल्दै अंक तालिकामा सुधार गर्न चाहन्छ ।

पुलिस १० अंक जोडेर पाँचौ स्थानमा छ । संकटा १२ अंक जोडेर चौथो स्थानमा छ ।