काठमाडौं । पल्सर सहिद स्मारक ए डिभिजन लिगमा आज सुरु हुने छैठौ चरणको पहिलो खेलमा विभागीय टिम एपीएफ र न्युरोड टिम एनआरटीबीच प्रतिस्पर्धा हुदैछ ।
एन्फा टेक्निकल सेन्टरमा बिहान ११ बजे सुरु हुने खेलमा दुवै टोली भिड्न लागेका हुन् ।
लिगको पाँचौ चरणको खेल सकिदाँ एनआरटीले जित निकाल्न सकेको छैन । कान्छो विभागीय टिम एपीएफले मात्र एक जित निकालेको छ ।
मैदान उत्रदै गर्दा दुवै टोलीको लक्ष्य जित निकाल्दै अंक तालिकामा सुधार गर्नुहुनेछ । लिगको पहिलो खेलमा एनआरटीले विभागीय टिम आर्मीलाई बराबरीमा रोक्दै उत्कृष्ट सुरुवात गरेपनि त्यसलाई जोगाउन सकेको छैन ।
यता, विभागीय टोली एपीएफले आफ्नो स्वभाविक लय देखाउन सकेको छैन । लिगमा एकमात्र जित दर्ता गरेको एपीएफबाट गोल निस्कन नसक्दा प्रशिक्षक राजेन्द्र तामाङ आफैपनि निराश छन् ।
पछिल्ला दुई खेलमा एपिएफ पराजित हुँदा उसका दुई पुर्व खेलाडी रन्जन विष्ट ( थ्री स्टार ) र अन्जन विष्ट ( मनाङ ) ले गोल गरेका थिए ।
यसअघि दुवै जना एपीएफबाट खेलेका थिए ।
लिगमा १ अंक जोडेको एनआरटी तालिकाको पुछारमा छ । एपीएफ ४ अंक सहित ११ औँ स्थानमा रहेको छ ।
