काठमाडौं । पल्सर सहिद स्मारक ए डिभिजन लिग अन्तर्गत अाज विभागीय टिम नेपाल पुलिस क्लब र सिएमजी संकटा क्लबबीच प्रतिष्पर्धा हुँदैछ । आज सुरु हुने छौठौ चरणका खेलमा पुलिस र संकटा एन्फा टेक्निकल सेन्टरमा दिउँसो साढे २ बजे भिड्न लागेका हुन् ।
संकटाविरुद्व मैदान उत्रदै गर्दा नेपाल पुलिस क्लबले दुई खेलाडी गुमाउने छ । उसका स्ट्राइकर सुमन लामा र मिडफिल्डर हेम तामाङ घाइते रहेका छन् । तर भरपर्दा कप्तान तथा मिडफिल्डर भोला सिलवाल फर्ममा देखिनु पुलिसका लागि फाइदाजनक कुरा हो ।
युवा खेलाडीले भरिएका दुवै टोली यसै सिजन नवलपरासीमा भएको राइनो गोल्डकपमा भेट भएका थिए । प्रतियोगितामा पुलिसले संकटाको चुनौती क्वाटरफाइनलमा १–० ले समाप्त पारेको थियो । संकटालार्इ राईनो गोल्डकपमा ब्यहोरेको हारको बदला लिने अवसर समेत रहेको छ ।
पुलिस ३ खेलमा जित, एक हार र एक बराबरीको नतिजामा छ । संकटा एक खेलमा पराजित हुँदा ४ खेलमा जित निकालेको छ ।
