काठमाडौं । कतारको दोहामा आयोजना हुने एसियन फाइनल स्टेज २०२३ टेबल टेनिसमा सहभागिता जनाउने नेपाली टोलीलाई बिदाइ गरिएको छ ।
नेपाल ओलम्पिक कमिटिका अध्यक्ष जीवन राम श्रेष्ठले बुधबार नेपाली टोलीलाई बिदाइ गरे ।
प्रतियोगितामा नेपालका रुबिन महर्जन र संयोग कपालीले सहभागिता जनाउने छन् ।
प्रतियोगिता जनवरी ७ देखि १३ सम्म आयोजना हुनेछ ।
बिदाइमा टेबल टेनिस संघका अध्यक्ष चतुरानन्द राजबैद्य, ओलम्पिक कमिटिका सदस्य रमेश सिवाकोटीलगायतका पदाधिकारीको उपस्थिति रहेको थियो ।
