काठमाडौं । पल्सर सहिद स्मारक 'ए' डिभिजन लिगमा अहिले विभागीय टिम त्रिभुवन आर्मी र हिमालयन शेर्पाले प्रतिस्पर्धा गरिरहेका छन् ।
एन्फा कम्प्लेक्स सातदोबाटोमा जारी खेलको पहिलो हाफ सकिदा आर्मीले १ - ० को अग्रता बनाएको छ । आर्मीले कप्तान भरत खवासको गोलबाट पहिलो हाफमा अग्रता बनाएको हो । खेलको ३३ औं मिनेटमा सन्तोष तामाङको कर्नर बलमा भरतले हेड गोल गरेका थिए ।
आज दुवै टोली जित निकाल्ने लक्ष्य सहित मैदान उत्रिएका छन् । दुवै टोली आज जित निकाल्दै अंक तालिका सुधार गर्ने लक्ष्यमा रहेको छन् ।
दुवै टोलीले अघिल्ला ४ खेलमा ३ जित र एक बराबरीको नतिजा निकालेका छन् । चौथो स्थानको आर्मीको ४ खेलबाट १० अंक छ । समान अंक भएपनि शेर्पा छैटौं स्थानमा छ ।
