काठमाडौं । जापानमा आगामी बर्ष आयोजना हुने रग्बी विश्वकपको ट्रफी अर्को साता नेपाल आईपुग्ने भएको छ । रग्बी विश्वकप ट्रफी टुर अन्तर्गत विश्वकप ट्रफी मंसिर २० गते नेपाल आईपुग्ने भएको हो ।
नेपाल रग्बी संघको पहलमा नेपाल आउन लागेको विश्वकप रग्बी ट्रफी नेपालमा ४ दिन रहने छ । मंसिर २२ गते भने ट्रफी सार्वजनिक गरिने छ । टुँडिखेलमा विशेष कार्यक्रमकाबीच ट्रफी सार्वजनिक हुनेछ ।
![](https://scontent.fktm8-1.fna.fbcdn.net/v/t1.15752-9/47450094_294068214548947_5859607449387925504_n.jpg?_nc_cat=110&_nc_ht=scontent.fktm8-1.fna&oh=c416c3f613498513004532a0ca51cda8&oe=5C69C640)
ट्रफीसंगै रग्बी विश्वकप जापानको आयोजक कमिटीका सीईओ अकिरा सिमाजु पनि नेपाल आउने बताईएको छ ।
रग्बी विश्वकपको ट्रफी नेपाल, भारत, पाकिस्तानसहित २० राष्ट्रमा प्रदर्शनी गरिने छ ।
रग्बी विश्वकप सन् २०१९ को सेप्टेम्बर २० देखि जापानमा आयोजना हुँदैछ । उक्त विश्वकपमा २० राष्ट्रले प्रतिस्पर्धा गर्नेछन् ।