पहिलो हाफमा इंग्ल्यान्ड र अमेरिकाको बराबरी

काठमाडौं । कतारमा जारी फिफा विश्वकप फुटबलमा अहिले इंग्ल्यान्ड र अमेरिकाबीच प्रतिस्पर्धा भईरहेको छ ।

अल बायत स्टेडियममा जारी खेलको पहिलो हाफ सकिदा इंग्ल्यान्ड र अमेरिकाले गोलरहित बराबरी खेलेका छन् ।

पहिलो हाफमा दुबै टोलीले पाएको अवसरलाई सदुपयोग गर्न सकेनन् ।

अमेरिकाका क्रिस्टियन पुलिसिचको एक प्रहार पोस्ट बारमा लाग्दै बाहिरिएको थियो ।

इंग्ल्यान्ड आज लगातार दोस्रो जित निकाल्ने योजनामा रहेको छ ।

पहिलो खेलमा इंग्ल्यान्डले इरानलाई ६-२ गोल अन्तरले हराएको थियो ।

अमेरिका भने पहिलो जितमा खोजीमा रहेको छ ।

पहिलो खेलमा अमेरिकाले वेल्ससँग १-१ गोलको बराबरी खेलेको थियो ।