इंग्ल्यान्डलाई अमेरिकाको चुनौती

काठमाडौं । कतारमा जारी फिफा विश्वकप फुटबल अन्तर्गत आज शुक्रबार राति इंग्ल्यान्डले अमेरिकाविरुद्ध प्रतिस्पर्धा गर्दैछ ।

इंग्ल्यान्डले अल बायत स्टेडियममा अमेरिकाको समान गर्नेछ । खेल नेपाली समय अनुसार राति १२:४५ बजे सुरु हुनेछ।

इंग्ल्यान्ड आज लगातार दोस्रो जित निकाल्ने योजनामा रहेको छ ।

पहिलो खेलमा इंग्ल्यान्डले इरानलाई ६-२ गोल अन्तरले हराएको थियो ।

अमेरिका भने पहिलो जितमा खोजीमा रहेको छ ।

पहिलो खेलमा अमेरिकाले वेल्ससँग १-१ गोलको बराबरी खेलेको थियो ।

दुबै टोली जित निकाल्दै नकआउट चरणको सम्भावना बलियो बनाउन चाहन्छ ।

हेड टु हेड -

दुई टोलीबीच हालसम्म ११ पटक प्रतिस्पर्धा भएको छ । जसमा इंग्ल्यान्डले ८ खेल जितेको छ ।

दुई खेल अमेरिकाले जित्दा एक खेल बराबरीमा सकिएको छ ।

सम्भावित सुरुआती-११

इंग्ल्यान्ड - पिकफोर्ड, ट्रिपियर, स्टोन्स, मग्वाएर, श, राइस, बेलिङघम, साका, माउन्ट, स्ट्रर्लिङ, केन

अमेरिका - टर्नर, डेस्ट, जिमरम्यान, रिम, रोबिन्सन, म्याककेनी, एडम्स, मुशा, वेह, सर्जेन्ट, पुलिसिच

प्लेयर्स टु वाच -

यस खेलमा इंग्ल्यान्डका बुकायो साका र अमेरिकाका वेस्टन म्याक्केनी प्लेयर्स टु वाचमा रहने छन् ।