कतारविरुद्ध सेनेगल : म्याच प्रिभ्यु

काठमाडौं । आयोजक कतारले फिफा विश्वकप फुटबल अन्तर्गत आज शुक्रबार समूह चरणको दोस्रो खेल खेल्दैछ ।

कतारले दोस्रो खेलमा अफ्रिकी राष्ट्र सेनेगलविरुद्ध प्रतिस्पर्धा गर्नेछ । कतार र सेनेगलबीचको खेल साँझ ६:४५ बजे सुरु हुनेछ ।

कतार पहिलो जितको योजनासहित मैदान उत्रनेछ । पहिलो खेलमा कतारलाई इक्वेडरले २-० ले हराएको थियो ।

यता, सेनेगल पनि पहिलो जितकै योजनामा हुनेछ । सेनेगललाई पहिलो खेलमा नेदरल्यान्ड्सले २-० ले नै हराएको थियो।

समूह 'ए' मा नेदरल्यान्ड्स शीर्ष र इक्वेडर  दोस्रो स्थानमा रहेको छ । सेनेगल तेस्रो र कतार पुछारमा रहेको छ ।

नकआउट चरणको सम्भावना कायम राख्न दुबैलाई जित महत्वपूर्ण रहेको छ ।

हेड टु हेड -

दुई टोलीबीच पहिलो पटक प्रतिस्पर्धा हुन लागेको हो । यस अघि दुई टोली आमनेसामने भएका छैनन् ।

सम्भावित सुरुआती-११

कतार - अल शिव, अल रावी, खोउखी, ए. हसन, मिगुएल, हटेम, अल हेडोस, बोउडिफ, अहमेद, आफिफ, अलि  

सेनेगल - मेन्डी, साबली, कोउलीबाली, सिसे, जाकोब्स, पी सार, एन मेन्डी,आई. गुइए, आई सार, डिया, डियट्टा

प्लेयर्स टु वाच -

यस खेलमा कतारका अल हेडोस र सेनेगलका इडवार्ड मेन्डी प्लेयर्स टु वाचमा रहने छन् ।