काठमाडौं । पल्सर सहिद स्मारक 'ए' डिभिजन लिग फुटबल अन्तर्गत अहिले न्युरोड टिम एनआरटी र विभागीय टिम नेपाल पुलिस क्लबबीच प्रतिस्पर्धा भईरहेको छ ।
सातदोबाटोस्थित एन्फा कम्प्लेक्समा जारी खेलको पहिलो हाफ सकिदा पुलिस क्लबले १ - ० को अग्रता बनाएको छ । खेलको ४१ औं मिनेटमा निर कुमार राईको गोलबाट पुलिसले अग्रता बनाएको हो ।
सब्सिच्युड खेलाडीका रुपमा मैदान पसेका निरले अजित भण्डारीको पासमा हेड गोल गरेका हुन् ।
आज दुवै टोली जित निकाल्ने लक्ष्यसहित मैदान उत्रिएका छन् ।
आज एनआरटी पहिलो जितको खोजीमा हुनेछ । पुलिस तेस्रो जित निकाल्न चाहन्छ ।
