डेनमार्कविरुद्ध ट्युनिसिया : म्याच प्रिभ्यु

काठमाडौं । कतारमा जारी फिफा विश्वकप फुटबलमा आज मंगलबार डेनमार्कले ट्युनिसियासँग प्रतिस्पर्धा गर्दैछ ।

दोहाको एजुकेसन सिटी स्टेडियममा डेनमार्कले ट्युनिसियाको सामना गर्नेछ । समूह 'डी' मा रहेको डेनमार्क र ट्युनिसियाबीचको खेल साँझ ६:४५ बजे सुरु हुनेछ ।  

युरोपियन राष्ट्र डेनमार्क अफ्रिकी टोलीलाई हराएर विश्वकपमा सुखद सुरुआत गर्न चाहन्छ । डेनमार्क पहिलो खेलमै ३ अंक जोड्न चाहन्छ ।

तर, बलियो अफ्रिकी राष्ट्रविरुद्ध डेनमार्कलाई सहज हुने छैन । किनकि ट्युनिसिया समेत कतार विश्वकपमा सानदार सुरुआत गर्न चाहन्छ ।

हेड टु हेड -

डेनमार्क र ट्युनिसियाबीच यो पहिलो भेट हुनेछ । यस अघि डेनमार्क र ट्युनिसियाबीच खेल भएको छैन ।

सम्भावित सुरुआती-११

डेनमार्क -  कास्पर स्माइकल, डानिल वास,सिमोन कजेर,रास्मुस क्रिस्टेनसेन,जोआकिम मेह्ले, पिएरे इमिल होजवर्ग, थोमस डिलाने, आन्द्रेस ओल्सेन,क्रिस्टियन एरिक्सन,जास्पर लिन्ड्ट्रोम, कास्पर डोल्बर्ग

ट्युनिसिया - दाह्मेन, ड्रागर,ताल्बी, ब्रोन, अब्दी, लैडोउनी स्खिरी, चालाली, बेन स्लिमाने,मस्कानी, इशाम जेबाली

प्लेयर्स टु वाच -

यस खेलमा डेनमार्कका क्रिस्टियन एरिक्सन र ट्युनिसियाका इशाम जेबाली प्लेयर्स टु वाचमा रहने छन् । डेनमार्क एरिक्सन र ट्युनिसिया जेबालीको प्रदर्शनमा निर्भर रहने छ ।