नेपाल एपीएम अन्तराष्ट्रिय भेट्रान टेबलटेनिस मंसिरमा

काठमाडौं । दोस्रो नेपाल एपीएम अन्तराष्ट्रिय भेट्रान टेबलटेनिस प्रतियोगिता मनिसर पहिलो साता आयोजना हुने भएको छ।

नेपाल एपीएम टेबलटेनिस प्रालिको आयोजनामा हुने प्रतियोगिता मंसिर १ देखि ३ गतेसम्म भैसेपाटीमा हुने प्रालिका निर्देशक दान बहादुर महताले जानकारी गराए ।

प्रतियोगितामा मेन्स भेट्रान्स सिंगल्स (४० वर्षमाथि), मेन्स भेट्रान्स सिंगल्स (५० वर्षमाथि), मेन्स भेट्रान्स सिंगल्स ( ६० वर्षमाथि), वुमेन्स भेट्रान्स सिंगल्स (४० वर्षमाथि), र मेन्स भेट्रान्स टिम गरेर ५ स्पर्धामा खेलाडीहरूले प्रतिष्पर्धा गर्ने छन।

५ स्पर्धाको विजेता खेलाडीहरुलाई प्रथम, द्वितीय र तृतीय (दुवै सेमी-फाइनलिष्ट) हरूलाई क्रमशः  ५० हजार,  २० हजार र १० हजार नगद पुरस्कार प्रदान गरिनेछ ।

प्रतियोगिताको मुख्य प्रायोजकमा सिओम नेपाल रहेको छ । आयोजकले बुधबार सिओम नेपालसँग सम्झौता गरेको छ।

करिब १२ लाख पचास हजार रुपैंया अनुमानित लागत रहेको प्रतियोगितालाई प्रायोजक सिओम नेपालले लागत रकमको ४० % अर्थात् पाँच लाख ररुपैयाँ उपलब्ध गराउने छ ।