काठमाडौं । नेपाल प्रहरीका संयोग कपाली र विनेश खनियाँ केकेएम÷एनआरटी खुला टेबलटेनिस प्रतियोगिताको पुरुष सिंगल्समा शुक्रबार फाइनलमा प्रवेश गरेका छन् ।
लैनचौरस्थित राष्ट्रिय टेबलटेनिस प्रशिक्षण केन्द्रमा संयोगलेले केकेएम÷एनआरटीका हिमाल विष्टलाई १३–११, ११–९, १६–१४ र ११–७ तथा विनेशले नेपाल आर्मीका कृष्ण थापा मगरलाई ११–५, ११–५, ८–११, १४–१२ र ११–१ को सेटमा पराजित गरे ।
आयोजक काठमाडौं खेल मण्डल (केकेएम)÷न्यु रोड टिम (एनआरटी) द्वारा संयुक्त आयोजित प्रतियोगिताको महिला सिंगल्समा प्रहरकी नविता श्रेष्ठले एपीएफकी शिखा सुवाल श्रेष्ठलाई ११–७, ९–११, ८–११, ११–३, ११–६ र १२–१० तथा एपीएफकी वियन्का राईले प्रहरीकी एलिना महर्जनलाई ११–३, ११–९, १२–१० र ११–८ को सेटमा हराउदै फाइनलमा स्थान सुरक्षित गरे ।
भेट्रान ४० वर्षमाथि महिला सिंगल्समा दिल्लीबजारकी इन्दिरा पराजुली पौडेल पहिलो भइन् । फाइनलमा इन्दिराले दिल्लीबजारकै सम्झना पोखरेलको चुनौती ११–३, ११–४ र ११–७ ले पन्छाइन् । पुरुष ४० वर्षमाथि टिम इभेन्टमा ललितपुर टेबलटेनिस क्लबले गोड स्पिनलाई ३–२ ले पराजित गर्दै स्वर्ण जित्यो ।
