बोधित र अन्जलीलाई स्वर्ण

इटहरी ।  गण्डकी प्रदेशमा आयोजना हुने नवौँ राष्टिय खेलकुद प्रतियोगिताको लागि भएको प्रदेश एकको टेबलटेनिस छनौट खेलमा पुरुष एकलमा मोरङका बोधित डिसिले स्वर्ण पदक जितेका छन् । 

यस्तै सुनसरीका सिदार्थ तामाङले रजत पदक र सुनसरीका अनमोल केसी र मोरङका रोशन श्रेष्ठले कास्य पदक जितेका छन् । 

महिला एकलतर्फ शीर्ष पाँचमा सुनसरीका खेलाडी रहे । सुनसरीकी अन्जली ठाकुरले स्वर्ण, दिक्षा दाहालले रजत र सोनम ठाकुरले कास्य जितेका छन् । यसैगरी रुपा लिम्बु चौथो र सुलेखा ठाकुर पाँचौ बनेका छन् । 

विजेता खेलाडीहरुलाई प्रदेश खेलकुद विकास बोर्डका सदस्य शैलेश कुमार विष्टले मेडल र प्रमाणपत्र हस्तान्तरण गरे ।

विजेता खेलाडीहरुको नाम लिष्ट प्रदेश खेलकुद बोर्डमा पठाइने र नवौँ राष्टिय खेलकुद प्रतियोगिताको लागि बन्द प्रशिक्षणको आयोजना हुने इटहरी टेवल टेनिस एकेडेमीका प्रिसिडेन्ट राजेश भट्टराईले जानकारी दिए ।