काठमाडौं । कान्तिपुर पिङपोङ क्लबका आरिस महर्जनले १६ औं हरेराम जोशी स्मृति टेबलटेनिस प्रतियोगिताको पुरुष सिंगल्समा स्वर्ण जितेका छन् ।
पाटनस्थित गोड स्पिन टेबलटेनिस एकेडेमीमा भएको फाइनलमा आरिसले गोड स्पिन टेबल टेनिसका मनिष खरेललाई ४-११, ८-११, ११-६,११-५ र ११-८ ले पराजित गरे ।
एपीएमका आशिष मेहेता र कीर्तिपुरका जयराम महर्जन तेश्रो भए ।
हरेराम जोशी स्मृति प्रतिष्ठानद्वारा आयोजित प्रतियोगिता अन्तर्गत महिला भेट्रानको उपाधि काठमाडौंकी इन्दिरा पराजुलीले जितिन् ।
पराजुलीले रोटरी क्लबकी सम्झना खरेललाई ११-६,११-८,९-११,११-७ ले पराजित गरिन् । यसोधा घिमिरे र विपना घिमिरे तेश्रो भए ।
