बौद्ध इन्टरनेसनल सेमिफाइनलमा

काठमाडौं ।   आयोजक बौद्ध इन्टरनेसनल स्कुल पाँचौं बीआईबी कप अन्तरविद्यालय बास्केटबल प्रतियोगिताको गर्ल्समा मंगलबार सेमिफाइनलमा प्रवेश गरेको छ ।

अत्तरखेलस्थित घरेलु कोर्टमा बौद्धले मेरिडियन इन्टरनेसनल स्कुललाई २५–१४ ले पराजित गर्यो । विजेताकी सब्रिना पन्तले १५ अंक जोडिन् ।

गर्ल्समै निस्ट, चाँदबाग र डाफोडिलले पनि सेमिफाइनल यात्रा तय गरे । निस्टले निसर्ग वाटिकालाई ३२–१३ ले हरायो । निस्टकी पुर्णिमा बरालले १० अंक जोडिन् । चाँदबागले भेनसलाई २४–११ ले पाखा लगायो । चाँदबागकी अन्सु गुरुङले ८ स्कोर गरिन् । डाफोडिलले विद्यासंस्कारमाथि ३५–३४ को कठिन जित दर्ता ग¥यो । डाफोडिलकी उर्जा मगरले १४ अंक जोडिन् ।

सेमिफाइनलमा निस्टले बौद्ध तथा चाँदबागले डाफोडिल विरुद्ध प्रतिस्पर्धा गर्ने छन् । ब्वाइजको सेमिफाइनल नेमोनिक र युरो तथा प्रिमियर र बुद्ध एकेडेमीबीच हुनेछ ।