काठमाडौं । अखिल नेपाल फुटबल संघ (एन्फा) का नवनिर्वाचित अध्यक्ष पंकज बिक्रम नेम्वाङलाई साउदी अरेबिया फुटबल एसोसियसनले बधाई दिएको छ ।
साउदी एफएले पत्र मार्फत अध्यक्ष नेम्वाङलाई बधाई तथा शुभकामना सन्देश पठाएको एन्फाले जनाएको छ ।
यस अघि अध्यक्ष नेम्वाङलाई फिफा, एएफसी, साफ र विभिन्न देशले बधाई र शुभकामना दिएको थियो ।
काठमाडौंको बुढानिलकण्ठस्थित पार्क भिलेज रिसोर्टमा गत असार ६ गते भएको निर्वाचनबाट नेम्वाङ अध्यक्षमा निर्वाचित भएका थिए ।
अध्यक्षका अर्का प्रत्यासी कर्माछिरिङ शेर्पालाई ६ मतले पराजित गर्दै नेम्वाङ अध्यक्षमा निर्वाचित भएका हुन् ।
-1732671005.webp)
