काठमाडौं । अखिल नेपाल फुटबल संघ (एन्फा) का नवनिर्वाचित कार्यसमितिलाई पूर्व प्रधानमन्त्री पुष्पकमल दाहाल 'प्रचण्ड' ले बधाई दिएका छन् ।
खुमलटारस्थित निवासमा बुधबार एन्फाका नवनिर्वाचित पदाधिकारीसँग भेट गर्दै पूर्व प्रधानमन्त्री प्रचण्डले बधाई दिएका हुन् ।
भेटमा प्रचण्डले फुटबल विकासका लागि आफुले सहयोग गर्ने प्रतिबद्दता जनाएको एन्फाले जनाएको छ ।
एन्फाका नयाँ कार्यसमितिलाई बुधबार नै प्रधानमन्त्री शेरबहादुर देउवाले भेट गर्दै बधाई दिएका थिए ।
गत असार ६ गते भएको निर्वाचनबाट पंकज बिक्रम नेम्वाङ अध्यक्षमा निर्वाचित भएका थिए । अध्यक्षका अर्का प्रत्यासी कर्माछिरिङ शेर्पालाई ६ मतले पराजित गर्दै नेम्वाङ अध्यक्षमा निर्वाचित भएका हुन् ।
यस्तै वरिष्ठ उपाध्यक्षमा बीरबहादुर खड्का निर्वाचित भएका थिए ।
उपाध्यक्षमा दावा लामा, दिपक खतिवडा, बिराट जंग शाही र दुर्गा बहादुर केसी निर्वाचित भएका थिए ।
महिला सदस्यमा सरिला श्रेष्ठ र पेमा डोल्मा लामा निर्वाचित हुँदा केन्द्रीय सदस्यमा मनिष जोशी, अनिल मल्ल, रबिन्द्र चन्द, विकास नारायण श्रेष्ठ,भोजराज शाही, महेन्द्र क्षेत्री, पुरुषोतम थापा,रमेश ब्यन्जनकार, मनिराज विष्ट,टिकाराम लामा,भरत बुढा थापा निर्वाचित भएका थिए ।
-1732671005.webp)
