काठमाडौं । अखिल नेपाल फुटबल संघ(एन्फा) का नव निर्वाचित अध्यक्ष पंकज नेम्वाङलाई अन्तराष्ट्रिय फुटबल महासंघ(फिफा) का अध्यक्षले बधाई दिएका छन् ।
फिफाका अध्यक्ष जियानी ईन्फान्टिनोले मंगलबार एक पत्र लेख्दै नेम्वाङ लगायत निर्वाचित सदस्यहरुलाई बधाई दिएका हुन् ।
उनले पत्रमा लेखेका छन् 'तपाईको ज्ञान, क्षमता र अनुभवले सुन्दर खेल फुटबललाई नेपालमा विकास हुनेमा पूर्ण आशावादी छु । तपाई र तपाईको निर्वाचित टिमले विभिन्न चुनौतीहरुलाई सहज रुपले पार लगाउदै सफल हुनुहुनेछ।'
गत असार ६ गते भएको निर्वाचनबाट कर्माछिरिङ शेर्पालाई पराजित गर्दै नेम्वाङ अध्यक्षमा निर्वाचित भएका थिए। 
-1732671005.webp)
