काठमाडौं । अखिल नेपाल फुटबल संघ (एन्फा) का नवनिर्वाचित अध्यक्षमा पंकज बिक्रम नेम्वाङलाई दक्षिण एसियाली फुटबल महासंघ (साफ) ले बधाई दिएका छन् ।
साफका अध्यक्ष काजी सलाहुद्दिनले शुक्रबार एक पत्र पठाउदै नेम्वाङलाई बधाई तथा शुभकामना दिएका हुन् ।
अध्यक्ष सलाहुद्दिनले बधाई र शुभकामना दिदै नयाँ नेतृत्वले नेपालमा फुटबल विकासमा ठुलो प्रभाव पार्नेमा आफु विश्वस्त रहेको उल्लेख गरेका छन्
यस अघि एसियन फुटबल कन्फेडेरेसन (एएफसी) का अध्यक्ष सलमान बिन इब्राहिम अल खलिफाले अध्यक्षमा निर्वाचित भएकामा नेम्वाङलाई बधाई दिएका थिए ।
काठमाडौंको बुढानिलकण्ठस्थित पार्क भिलेज रिसोर्टमा सोमबार भएको निर्वाचनबाट नेम्वाङ अध्यक्षमा निर्वाचित भएका थिए ।
अध्यक्षका अर्का प्रत्यासी कर्माछिरिङ शेर्पालाई ६ मतले पराजित गर्दै नेम्वाङ अध्यक्षमा निर्वाचित भएका हुन् ।
-1732671005.webp)
