काठमाडौं । अखिल नेपाल फुटबल संघ (एन्फा) को रेफ्री संघको अध्यक्षमा बुद्धिबहादुर गुरुङ निर्वाचित भएका छन् ।
एन्फा कम्प्लेक्समा सोमबार भएको साधारणसभाबाट गुरुङ निर्विरोध अध्यक्ष चुनिएका हुन् ।
संघको उपाध्यक्षमा श्रीराम रञ्जितकार, विनोद केसी र मधु सुदन खनाल निर्वाचित भए । यस्तै संघको सदस्यमा शैलेश जोशी, वीरेन्द्रबहादुर पाण्डे, नवीन्द्र महर्जन, श्रवणकुमार तामाङ, प्रकाशनाथ श्रेष्ठ, प्रदीपकुमार बस्नेत, शुक्र तामाङ र सन्तोष गुरुङ निर्वाचित भएका छन् ।
संघको महिला सदस्यमा कल्पना शर्मा निर्वाचित भएकी छन् ।
नवनिर्वाचित कार्यसमितिलाई एन्फा अध्यक्ष कर्माछिरिङ शेर्पाले प्रशंसा पत्र हस्तान्तरण गरेका थिए ।
अखिल नेपाल फुटबल संघ (एन्फा)को केन्द्रिय निर्वाचन असार ६ गते हुँदैछ । केन्द्रिय निर्वाचन अघि रेफ्री संघको निर्वाचन भएको हो ।
-1732631466.jpeg)
