एकदिवसीयमा रोहितको शतक  

काठमाडौं । रोहित पौडेलले एकदिवसीय अन्तराष्ट्रिय क्रिकेटमा शतक प्रहार गरेका छन् । त्रिवि क्रिकेट मैदानमा रोहितले पपुवा न्युजिनी (पीएनजी) विरुद्ध शतक पुरा गरेका हुन् ।

रोहितले ९१ बलमा ७ चौका र २ छक्का प्रहार गर्दै शतक पुरा गरे । रोहितको यो पहिलो एकदिवसीय शतक हो । रोहित एकदिवसीय अन्तराष्ट्रिय क्रिकेटमा शतक प्रहार गर्ने दोस्रो नेपाली खेलाडी बने । 

यसअघि पारस खड्काले सन् २०१९ मा यूएईविरुद्ध शतक प्रहार गरेका थिए ।