रोहितको कीर्तिमानी अर्धशतक 

काठमाडौं । रोहित पौडेलले पपुवा न्युजिनी (पीएनजी)विरुद्ध अर्धश्ताक पुरा गरेका छन् । कीर्तिपुर स्तिथ त्रिवि क्रिकेट मैदानमा पीएनजीविरुद्ध लक्ष्य पछ्याउने क्रममा रोहितले अर्धशतक पुरा गरेका हुन् । 

उनले ५४ बलमा ३ चौका १ छक्का प्रहर गर्दै अर्धशतक पुरा गरे । रोहितको यो एकदिवसीय अन्तराष्ट्रिय क्रिकेटमा पाँचौं अर्धशतक हो । पीएनजीविरुद्ध रोहितको यो दोस्रो अर्धशतक हो । यो अर्धशतकसँगै रोहित नेपालक लागि एकदिवसीय अन्तराष्ट्रियमा सर्वाधिक अर्धशतक बनाउने कीर्तिमान बनाएका छन् ।

यसअघि लयमा रहेक्का रोहितले यूएई, अमेरिका र पीएनजीविरुद्ध अर्धशतक पुरा गरिसकेका छन् । 

पीएनजीविरुद्धको खेलमा रोहितले थप कीर्तिमान बनाए । उनले ज्ञानेन्द्र मल्ललाई पछि पार्दै एकदिवसीय अन्तराष्ट्रिय क्रिकेटमा सर्वाधिक रन बनाउने नेपाली खेलाडी बनेका छन् ।