कामनालाई इन्डोर कर्पोरेट क्रिकेट लिगको उपाधि

काठमाडौं । कामना सेवा विकास बैंकले इन्डोर कर्पोरेट क्रिकेट लिगको उपाधि जितेको छ ।

शनिबार भएको फाइनलमा माछापुच्छ्रे बैंकलाई १६ रनले हराएर कामना च्याम्पियन बनेको हो ।

पहिले ब्याटिङ गरेको कामनाले १० ओभरमा १ सय ४ रन बनाएको थियो ।

उसका रिमेश रेग्मीले ४० तथा हेमन्त श्रीवास्तवले २८ रन बनाए ।

माछापुच्छ्रेका केशर रावलले १ विकेट लिए ।

जवाफमा माछापुच्छ्रेले १० ओभरमा १ विकेट गुमाएर ८८ रन मात्र बनाउन सक्यो ।

माछापुच्छ्रेका निशेस केसीले ५५ रन बनाए ।

खेलमा कामनाका रिमेश म्यान अफ दि म्याच चुनिए  ।

प्रतियोगितामा कामनाका हेमन्त श्रीवास्तव प्लेयर अफ दि टुर्नामेन्ट बने ।

माछापुच्छ्रेका निशेष केसी उत्कृष्ट ब्याट्सम्यान र निरज कार्की उत्कृष्ट बलर चुनिए ।

प्रतियोगितामा १२ टोलीको सहभागिता रहेको थियो ।