काठमाडौं । अष्ट्रेलियाले एन्ड्रयु म्याकडोनाल्डलाई पुरुष क्रिकेट टिमको अन्तरिम प्रशिक्षक नियुक्त गरेका छन् ।
अष्ट्रेलिया क्रिकेटले शनिबार एन्ड्रयुलाई अन्तरिम प्रशिक्षक नियुक्त गरिएको जनाएको छ ।
एन्ड्रयुको कार्यकाल श्रीलंकाविरुद्धको टी-ट्वान्टी सिरिजबाट सुरु हुने अष्ट्रेलिया क्रिकेटले जनाएको छ ।
मुख्य प्रशिक्षक जस्टिन लान्गरले पदबाट राजीनामा दिएपछि अष्ट्रेलियाले एन्ड्रयुलाई अन्तरिम प्रशिक्षक चयन गरेको हो।
५१ वर्षीय प्रशिक्षक जस्टिनले शनिबार पदबाट राजीनामा दिएका हुन् ।
प्रशिक्षक जस्टिनको सम्झौता आगामी जुनसम्म रहेको थियो । तर, उनले सम्झौता नसकिदै पद छाडेका हुन् ।
अष्ट्रेलियन प्रशिक्षक जस्टिन २०१८ मा अष्ट्रेलियाको मुख्य प्रशिक्षक नियुक्त भएका थिए ।
जस्टिनको नेतृत्वमा अष्ट्रेलियाले टी-ट्वान्टी विश्वकप र एसेस सिरिज जितेको छ ।
