केटीएम सिटी हिमालयन शेर्पाको 'किट्स पार्टनर'

काठमाडौं । शेर्पा आउटडोर प्रालिको केटीएम सिटीले सहिद स्मारक 'ए' डिभिजन क्लब हिमालयन शेर्पालाई प्रायोजन गरेको छ ।

केटीएम सिटीले 'किट्स पार्टनर' को रुपमा हिमालयन शेर्पालाई प्रायोजन गरेको हो ।

हिमालयन शेर्पा र केटीएम सिटीबीच बुधबार सम्झौता भएको छ ।

शेर्पाका कार्यवाहक अध्यक्ष गोम्बु दोर्जे शेर्पा र केटीएम सिटीका सिईओ निमा शेर्पाले सम्झौता पत्रमा हस्ताक्षर गरे ।

सम्झौतासँगै केटीएम सिटीले हिमालयन शेर्पालाई २५ लाख बराबरको खेलकुद सामग्री उपलब्ध गराउनेछ ।

हिमालयन शेर्पाले ए डिभिजन लिगमा केटीएम सिटीको जर्सी प्रयोग गर्नेछ ।

नयाँ सिजनको 'ए' डिभिजन लिग शुक्रबारबाट सुरु हुँदैछ ।

हिमालयन शेर्पाले शनिबार संकटासँग खेल्दै लिगको सुरुआत गर्नेछ ।

केटीएम सिटी नेपाली राष्ट्रिय फुटबल टिमको जर्सी प्रायोजक समेत हो ।

यस्तै केटीएम सिटीले कीर्तिमानी आठ पटकको च्याम्पियन मनाङ मर्स्याङ्दी क्लबलाई समेत दुई वर्षको लागि प्रायोजन गरेको छ ।