काठमाडौं । अष्ट्रेलियन क्रिकेट टिमका ब्याट्सम्यान डेभिड वार्नरले पोर्चूगलका फुटबल स्टार क्रिस्टीयानो रोनाल्डोको शैलीमा आफू अगाडी राखिएको कोका कोलाको बोतल हटाएका छन् ।
आईसीसी टी–ट्वान्टी विश्वकप क्रिकेट अन्तर्गत बिहीबार श्रीलंकालाई सात विकेटले पराजित गरेपछि आयोजित पत्रकार सम्मेलनका क्रममा
अष्ट्रेलियाका ओपनिङ ब्याट्सम्यान वार्नरले रोनाल्डोझै आफू अगाडी राखिएको कोका कोलाको बोतल हटाएका थिए ।
तर उनले पछि सो बोतल भने पुनः सोही स्थानमा राखिदिए ।
‘के म यिनीहरुलाई हटाउन सक्नु ? तर पनि मैले यसलाई त्यहाँ राख्नुुपर्छ,’ वार्नरले हास्दै भने ।
‘यदी क्रिस्टीयानोको लागि यो ठिक हो भने यो मेरो लागि पनि ठिक छ,’ दुबै बोतललाई पुनः सोही स्थानमा राख्दै उनले थपे ।
गत जुन महिनामा युरोपियन च्याम्पियनसिपको एक पत्रकार सम्मेलनका क्रममा रोनाल्डोले कोका कोलाको बोतल हटाएका थिए ।
